لاش لحباب اعطات بلقفى

فالوطى إيل عودي اجفـــــل
لاش لحباب اعطات بلقفـى
كــــــــان يراودوه بلمهـــــل
تا يـوصــــل لـكـل ما هـــفــا

ضقـت بالصدة و لجـــــــفى
ولعصى ديمى واقـــــــفـــة
ما يقرض الســوط والنصـــل
غي الحكمة ولمسـاعـــفـة

زارني وحشي فــلخـفــــى
بالشك صورتـــو امغـلـفــــة
اسقاني كاس من حـنـطـــــل
اشكون يطيق منــو رشفـــة

حــــــــط الميزان والكــفـــة
عبـــــــــر الهجران والمنفى
بالله اشكون لي اثقــــــــل
هـــجــران لحباب أو المنـفـى

إيل نطيح ما نقول آح
لحباب يقولو فـــريح
نكمد ونقوم بلا نــواح
والقلب مسكين اجريح
تعلمت نكتم لـــــقـــــراح
وما نقول غي ما هو مليح

بغيت هد السما تصفى
تشرق ُونَّـعْـمُو بالدفى
والبسمة تمسح الدموع
ونعـيشو جميع فالرفى

أنا ولحباب والصحاب
نشربو من كاسها عسل
ونعيشو فالســــــــلام
ومن اغصاننا الزهر يطل