مكسور الجناح

موضوع: مكسور الجناح 2011-12-18, 00:33

مكسور الجناح

لله يا الصايح صيح ارفع صوتك
لا تظن وحدك ف القفار مجلي
ارفع صوتك للجبال الواعرة
تْكَرَكْبَكْ لَحْجَرْ وتمزك نَعْلَكْ
*
عليك بالصبر
*
صيح
صوتك يَوْصَلْ يسري يحقق المراد
من ظلمة النهار غاب خيالو
ويكرع النور بالجهر لعز ايامو
*
ازرع حبة تكون سباب للغد
للأحفاد
تحصدها سبول من فدان لجداد
*
يمكن حرف ،كلمة، تلم ف كتاب
تقرها لجيال تفهمها ، تفتح بها لبواب
*
صيح فوق للواح رش لمعاني
شطح بالحرف غني وصل لبرية
*
أمانة
*
اغسل يدك بعرقك ،صبن فْْواد َكْ
ترتاح
يبان فجر الوقت وتزيان
*
نقي الطريق من شوكك
ياك عارف لعلق ف الكاس
رْعَ وقيس لا تمشي حفيان
*
ف لْمسرب ، مسامر ،
تجرح، تألم،يسيل الدم
الخطوة تعواج
**

» حرف واحد مكسور