قصيدة الفكرون

الفكرون يلا غنَّى،
نشطح أنا..
خلِّيو الذبانة،
نشطح أنا..
وتزغرت الجرانة..
الفكرون ما غنَّى،
ولا سمع غُنَانا،
الفكرون عَرَّاتو الفكرونة،
وبعدما عِيَّاه العرا،
لبس صخرة مولانا،
وشد بين الحجر رُكْنَة،
وتغطى بِغْبِينَة،
وقال ما أنا هْنَا،
وما بغيت غُنَا،
مسكين بغا الهنا،
وَهْنَاه ما هو هنا،
خشى راسو فيه،
وقال منكم تهنِّينا،
ودارت ليام عليه،
ونسيناه لَمَّا نْسَانا،
وبعد ما قلنا فْنَا،
واحد النهار لقيناه،
ضَحْكَة في جامع الفْنَا،
دارو عْصَا فيه،
ورجعوه آلة لِلْغُنَا.