مساجلة زجلية ثانية

موضوع: مساجلة زجلية ثانية 2011-06-05, 22:28

الخـّوتي ها العارْ
راسي محْـني لا ّرضْ
الهمّ غمّه
تعشّش.. تبني وتعاودْ
ماطالبْ جاوي
ولا نتبخّـر بزغب الفارْ
العقل حالته حاله
عامرْ أخاوي
معلّـق بين جوجْ ديورْ
يجْري ونجاري
من دارْ ل دارْ

وحْده نبْـنيها
نصرّف عرْقي ب فلوسْ
العْـوينه مفـْتوحه
نعلّي ونعاودْ
نديرْ مادار الجّارْ

لخْرى نجْـليها
نسمّن وْدن الكيّال
ليها نهْديها
نقسّح القلب
عْـوينتي نعْميها
نبيع جْناني ب النارْ

درْت راسي كاسْ
قدّام برّاده
أخيرْ الناس
إفكْ عْڭادو
ب الرّي والشّوارْ
فينكم أ الزجّاله
شكون إدير يدّو
ف هادْ الكبّه
إبيّن لي راس الخيط
اشعل ف قلبي قنديلْ
إبدّلْ شوكي ب النوارْ

عدد المساهمات : 46 تاريخ التسجيل : 19/04/2011

شكون إهزّ المكحْله
إعيّط أحافظ ْالله
إحرّرْ عوده
تماوج سْوالفه ب الرّيح ْ

شكونْ إعزّ الكلمه
إخلخلْ الحْروف
كيف الشجْره
ويخلّي تمْراتها الطـّيحْ

سيادي ياصحابْ الكلامْ
تسرّبْ الخيطْ ْ
أنشرْ الحِـيره
خلاني جنبْ الحيط
ب خطـْوات صْغيره

شكونْ ارْفع العْلام
إوضّّـحْ السّـيره
واشْمن دار
نعمّرْ ؟
أنشوفـْها كْـبيره ؟

ها " الباقـيَه " تحسّـرْ
تﯖولْ لّي الله يهْديكْ
أ " الفانيَه " كتعـطـّرْ
تﯕول لي عْـطيني يدّيكْ
فين نرد الكفـّه ؟
واش لْ هادي ولاّ هاديكْ ؟

///////////////////////////////

أرجو أن يجد هذا الركن التجاوب الذي يستحق ، فربما راكمنا منه ما يستحق الطبع والنشر ، وربما لقي نجاحا كبيرا عند القراء لخصوصيته الفريدة .

» زجلية عن أمي
» ومضة زجلية:وعد
» سداسيات تونسية.... زجل
» زجلية بعنوان يا نقرة
» زجلية بعنوان شفتني