قصة الغريب
فْقصة الغريب حــــــــــكمة وافادة وســـــــــرْ
يا لْفاهم فهم المعنى وليه ســــــترْ
ما تكون خفيف وتضرب ليه الــــــــــــــــــطّرْ
خدْ ليك الحكمة وفجي ذاك الــضّرْ
من طبع بنادم الخـــــــــــــــير والــــــــــــشّْر
سوى كان فبرّكة ولاّ سكن فقــصرْ
كايْن لي تلـــــــــــــقاه حدجة مداقو مـــــــــرْ
كايْن لي تلقى فحديثو طيب العــنبرْ
هو ذا بنادم ما يقـــــــــــضى ليه صــــــــــــبرْ
يجري ويجاري حتى يفنى لعـــــمرْ
هذا واحد وآهْلي ما كان حاسْ برســــــُــــوا
يسكن فبرج مضورين بيه حرســُوا
يبات اللّيل مع الخليلات تشد ليه نفســــــــوا
يشطح ويردح منغّم بكاســــــُـــــوا
حتّى يصبح الحالْ عاد يطيب نعاــــــــــــُسوا
ويتفرّق المجمع وطير هواســـُــــوا
ما يعرف طريق الخيرلِّّّّّي تصقل نحاسُــوا
تزوّل ليه شوك النكّير وتحيّد باسو
فيوم جاه غريب مبهدل فلباســـُــــوا
مدربل تكول واش الهبال لي قاسو
قال ليه ،بعد ما تقطـــــــــــــعات نفاسـُـــــوا
من طول السفر وثقل الرحل لي ساوسوا
انرْجاك أسيدي بطريّف خبز و شربة ذَ ْلــــما
رانا مدّة هادي ما دقت نــّــــــــعمة
المسران تلوّى والحلق ما ينطق كــــــــلمة
ما لقيت فطريقي لا جنان لا كرمـــة
ما نطلب كثير بغيت نسد اللّقـــــــــــــــــمة
نعمي جوعي ونطلب ليك الرّحـــــمة
وجزاك عنّي المولى سيد الحــــــــــــــــكمة
رد عليه وخنافروا طالعة لســـــــــما
تدخل اداري وانا فلان بن فلْــــــــــــــفلاَّنْ
معرفتيش بانّي كبير لمشايخ ولعيانْ
وانا لّي كلمتي تسري على كل لــــــــسان ْ
يخفوا مني النّاس ضعاف وشـــجعانْ
حيت عندي من ملك الدّنيا ذهب ومرجانْ
لي نقلها تكون تسري بحرف الإتقانْ
ويا ويل من دار كلامي فشعوب النّسيانْ
انا الْحْكام والقّاضي والسـْــــــــــــجّانْ
سير حْسن ما تدوق الويلْ والطغـــــــــيانْ
ويصيبك لهيب ناري راهْ هو بركــانْ
مْــــــــــشات أيـــــــــــام وجــات أيـــــام
يمكن العالم الله سنين وأعـــــــــــوام
نشفت العيون وحجـــــــــــبت لغـــــــمامْ
وبدا حديث الجفاف هو سيدْ لكــــــلامْ
مّالين الخير لقوْ الناس لكـــــــــــــــــرام ْ
معاهم تقاسموا لزّاد ولقـْــــــــــــــــسامْ
ومّالين الشّر بدوا يعانوا لســــــــــــــقامْ
منهم صاحب الغريب لّي مارضَا بــعوامْ
بقى ينذب ويحندب فالصّرح وحـــداني
يصرخ ما يسمعوا لا بدوي ولا مداني
الحلق نشف بالعطش والكرش تعـــاني
والغراب يحوم فالسما شرّانـــــــــــــي
فين هو المال والقصر لي كنـــــت باني
فين صاحبك لي دحيتي برّانـــــــــــــي
فين النغمة والكأس ملي كنت زهواني
الغريب ليوم راهْ هو مستور و هانـــي
الرئيسية 