المختار بن دغة
عدد المساهمات : 42
تاريخ التسجيل : 07/11/2010
العمر : 48
الموقع : https://montada-zajalmaghrib.ahlamontada.com/
 | | موضوع: لﯖرﯖاع الخاوي....! 2010-12-13, 09:52 | |
| ﯖلبي ﯖلبي وهيا ﯕلبي
زرفتيني مع ل ما يبغيك
ﯕلبي ڭلبي... آشنو ذنبي
جفف حزانك بدموع لف عينيك
***
وردة يابسة دارتها بيك
ﯕلبي ﯖلبي أنت لغالط
فرطتي فلكلام الله يخليك
خليتني شالط
بعد ماكنت ناشط
وتﯕول حد ما يقدر عليك
تخرج لكلام لفالط
وراقها آجمر زاند
ويزيد يكويك
***
ﯕلبي ﯕلبي وهيا ﯕلبي
حرقتيني ف فصدري
تمنيت نشوفك
وأنت وسط العافية مخبي
***
حرﯕاتك وأنت مزال صغير
زرفاتك... وخلات لعقل يحير
كون قوي
بسرارك لا تدوي
الهم علي آكتار
وعلا من تخوي
***
أنت ما لية وأنا ما ليك
وفين تﯕول أنت لواعر
شوهاتك شوهة ولعبت بيك
كان عليك تتشاور
درتي نية وتحوشت عليك
وفين لكنتي نواور
شوف وجهك... والله يهديك
***
ﯕلبي وهيا ﯕلبي
راها وردة مسمومة
وراتلك وراقها ترفرف
وهي ف جدرها ملقومة
كان عليك تشم وراقها
تلقاها قنبولة ملغومة
***
فرق داري عليك ...عطيني كراية
اليوم بية ولا بيك
نعيش وحدي والله معايا
***
ملحاتك مليح لﯕديدة
أنت فدواخلك سكناك وهي مزال بعيدة
***
فرقاتك عل لحباب
وتﯕول اللغرام هو أسباب
بوح بلي عندك
راها تدير معاك الصواب
ويلا قطفتيها
تفوح بريحتها
تكبر... ﯖدام لصحاب
***
ﯖلبي وهيا ﯖلبي
وجهك دبال
وتزيد تسال عل الوردة
كان عليك ترد لبال
راها تخليك حفيان بفردة
وتخرج منك لهبال
وتسطحك شطيح لقردة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا تكون غالط يا لﯖلب المهموم
أنا نجمة في سماك
لا تدير ف قلبك وترجع مسموم
نقلب ليالي ولا نلقاك
وأنت سابغيه بلحموم
ليام توريك ولا تدوم
كن سماح
واش ذاك البحر
ف الواد الساهل عوم
*
ربي خلق وفرق
وعلاش مقلق
واش داك تعلق فين تفلق
أنا وردة ف جنانك مجاورة حداك
علاش... تحافيني
الله يشافيك ولا يشافيني
آش ذاك تمس وراقي
كانو ملمومين
وخسرتي فياقي
...
وراقي مسقوطة عل لباب
وأنت ديما مشغول
وراقي عافطين عليهم لحباب
وأنت ديما بابك مقفول
***
وسع قلبك
أنا فجنبك
لغلطة ما هي ليك ولا لية
ذاك الحب المهبول
أنا ل قلبي معاك طاب
واش المعمول
ولا تخبى من ورا المعقول
آبعيد علي مزال
وخسك تزيد تجول
ﯖول يا حبيب الﯖلب
إلا باقي ما تﯖول...
وياالله قووووووووووول.... | |
|
محمد بوبكر
عدد المساهمات : 130
تاريخ التسجيل : 17/09/2010
العمر : 45
| | موضوع: رد: لﯖرﯖاع الخاوي....! 2011-01-02, 08:05 | |
| الزجال المختار بن دغة
سرني قرائتها أكثر من مرة
صادقة في تعبيرها تحمل معان يا من يفهمها
تحياتي لك تقديري | |
|
