نضرّيت يا جاري

تْبان ليك الجوره تدباز ـ الجوره صـبر وعقل
مـول الخــير يعزازـ ومول لبخل ينــدل
راحنا نـغزّوها تغزاز ـ ومول لغدر يحـصل
نزوق فلخـير تـطرازـ ونحلّي لكـلام بعسل
ندير ليـك يدّي عكّـازـ نساعف نبغيك توصل
ولّيت ليك جاري خرّاز ـ نقيّـل نرقّع ونضـل
مالك تجـيني مـهراز ـ تهرس فخاطري وتزل
ــ
الرجله تبـان بلكـلمه ـ وفعايـل ولغَلَطْ قليـل
بتباتو زعْمَـه تمَّــه ـ امَّ الصحّه عند الفـيل
مبقاتليكش غير بالنغمه ـ تراوغ فالجـد وتمـيل
نفرّز يا جاري زعمه ـ والزمان إلى كتاب طويل
يـبان لـي يبـان تمَّ ـ والدنب على كتافو تقيل
غطّي وجهك بالحشمه ـ يضوّي طريقك فللـيل
لا دّوزحياتك فالظلمه ـ ولعـمر فلـقال ولقـيل
ـــ
وجيتْ عارضك للحنَّ ـ لا بد جـاري يتشـافْ
دقّيتْ فالـباب نتسنَّ ـ مالك خـارج بزعـاف
مابغيتْ منك لي مـنَّا ـ معروف عليّـا مضياف
مالك عايش في محنه ـ مالك وجهـك جـفّاف
عامر راسـك بلعجنه ـ والعين عندك مخطاف
الخير بلخـير يتكـنَّ ـ مالك فلخـير تفتـاف
كاين لي حياتو لعنه ـ طاليـينها لي فلكـتاف
دير لخـير وتهـنَّ ـ لا الدير الشـر تخـاف
عييت جاري بلمعنَ ـ نضـرّيتْ مـنك بزّاف...[center][b]