حال صاحب الدنيا و المال

يا التايه ف الدنيا بلا عقل
الى عاندتي الدنيا ف همومها راك تغيب
ما كافيك الي عندك لاش باغي توصل
تضيق ف بحور المال
ماعندك لاصاحب و لا حبيب
عايش وحيد راك ف يوم غادي توحل
كيف ماخرج الخروف من الغنم و كلاه الديب
لمن تحكي همك الى كثر الحمل
وانت عايش بين الناس ...
ف عيونهم راك غريب
كتبين للناس راك قوي
و انت ضعيف ما راضي تطلب الحل
حاس براسك كامل و انت كلك عيب
الله وحده لي كامل و انت دازو بحالك قبل
واش معزز بمالك راه الموت ماليه طبيب
الي يتعزز يتعزز بالعالي
لي قدرته تهدم جبل
خالق الكون عنده كلشي قريب
يا الغافل راه نبتة بلى ما تدبل
والدار بلا ساس تريب
رد بالك يا لمعلق بحبل
تايق ف حالك والزمان صعيب
شحال قدك تعيش تحت الظل
راه شحال ماطال الوقت الراس يشيب
نفضل نعيش فقير بكرامة
و ما نعيش غني تحت الذل

يعجبني هدا النمط في الكتابة
معبر وصادق
لك تحياتي اخي الهامي إلى ان القى منك المزيد

شكرا لزجال الراقي علي مفتاح
على هذا المرور الدي احسني بالارتياح
وتعليقك هذا يشعرني بالفخر و الانفتاح

شكرا على هذا الكلام استاذ محمد بوبكر
لانه يشجعني كمبتدئة و جد معبر
لك مودتي واحترامي الاكبر

غاليتي امينة رفيق
اسعدني حقا مرورك هدا
لانه يحمل رفقة ومودة

لقد اسعدني هدا المرور
من الزجال بنعيسى الحاجي
واحسني بالفرح و السرور
لانه زاد من تشجيعي واخراجي
شكرا للللللللللللللللللللللللك