منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

شاطر | 
 

 ب السيف عليك...

اذهب الى الأسفل 
كاتب الموضوعرسالة
عبد العزيز سرحاني

avatar

عدد المساهمات : 116
تاريخ التسجيل : 10/05/2013

مُساهمةموضوع: ب السيف عليك...   2014-11-06, 09:26

ب السيف عليك


 
كنبغيك
و ب السيف عليك
كنبغيك
ساهل عْلِيَ
وصعيب عليك
أنت للا
و أنا أَيِّيهْ
عبد بين يديك
العبد ليهْ
مولاه
وأنا حر معاك
وعبد بْلاَ بيك
 
كنبغيك
و ب السيف عليك
ماشي ب يدي
و قلبك ماشي
ليك
سمعي ل دقاتُه
وُ سَوْليهْ
راقبي عثراتُه
وُ واسيه
اليوم  دْيالك
وغدَّا نَادي عليه
ونَدِّيهْ
 
كنبغيك
و ب السيف عليك
غمضي  عينيك
و شوفيني
شَدِّي يدك
ولمْسيني
حَبْسي كلامك
و ناديني
ب لا سيف
حالي يدبح  حالي
و ضحكك  عْلِيَ
يْواتيكْ
 
كنبغيك
و ب السيف عليك
ب لا خاطري
و خاطرك  ديتُه ليك
وخليت خيالي
يلهي خيالك
ويْسَليِّكْ
سَمِّيتَكْ دْيَالِي
وخاطَرْتْ بِيَ و بيك
شَلاَّ عْوامْ
باش نوصل ليك
ونخلي  روحي
و روحَكْ  حْمَامْ
قدام
قلبي اللي سلمتُه
ليك
 
كنبغيك
و ب السيف عليك
سيفك ف قلبي
مشى  و جا
دبح  الرْجا
وحيا الحجا
اللي خبيتُه ليك
على ألف سيف
وسيف
ف ظلام الليل
اللي هْبَا
حتى دْفاتْ روح
الصباح اللي حْبَا
و خرج من مهدُه
وخَلاَّ سيفي
يهجر غَمْدُه
و يَجْري  ب الحفا
حتى حفا
وَ تَلَّفْ لَمْضَا
وتْلَحَّفْ الصْدَى
تحت  ندى عينيك
اللي خضاروا
حتى الشجر غاروا
وحلفوا ما يجودوا
ب عْوِيَّدْ ولا مْرِوَدْ
لا يَتْسَيِّفْ
و يَوَّليِّ  سيف
نحاربك  بيه
ونجرحني
ونحني
حتى آخر زغبة
كحلة ف راسي
تتوب
حتى الدمعة
ف عيني تخسر
وتروب
حتى الكسدة
تبرد  و تْدوبْ
وندفني بين
جْفَارْ عينيك.
 

غشت 2014
الرجوع الى أعلى الصفحة اذهب الى الأسفل
 
ب السيف عليك...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: منتدى الزجل-
انتقل الى: