منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

شاطر | 
 

 حديث النهار

اذهب الى الأسفل 
كاتب الموضوعرسالة
عبدالعالي الوالي

avatar

عدد المساهمات : 54
تاريخ التسجيل : 20/09/2013
العمر : 44

مُساهمةموضوع: حديث النهار    2014-09-22, 03:56

حديث النهار ...

بين وبين 
قطرة من ريق الشتا 
كانت تالفة 
لقاتني حيران
بين صهد الدنيا 
وقرف الزمان 
هذا ما كان 
...
داك السؤال من بكري 
لقيتو عاصر على فكرة 
قاجها 
خرج شحال من جواب بالزز 
كيَعْرَجْ فالراس 
باقي سخفان من حر القجة 
...
طليت على نجمة 
ضحكات لي 
ما نويت الفراق 
ديك الغيامة شربات النور
خوفات الكمرة 
كحلات عينيها بالظلام 
سكن لليل فراسوعماه 
...
النهار الثاني 
طول الشوفة فزماني 
الشمش تعرات من الصهد 
كشفت للنهار ورقها 
ولف ...
الصبر عنك الليل 
وساه ...
سحابلو الكمرة نوات الغدر 
...
الفكرة اللي رسمت 
على الورقة مالت 
تيمات السطر 
زادت عذابو 
كان رافد شحال من هم 
حرف يتيم 
حرف شاقي 
حرف بكاي 
حرف عاشق 
كانت الحروف كتعلق فالمشانق 
...
لهلابة الكمرة بنت النور 
لقات الليل بالعشق هبيل 
مرة تطل 
مرة تغفل 
ديك الكادة ما تمل 
ملي تكون حاضرة يسهر 
ملي تغيب ظلامو يزهر 
كاع النجوم خوشات 
شكات للسما بالعدر 
...
النهار الثالث 
زهات وردة 
صبغات حنوكها ب لحمر 
كاع اللي داز 
ترشو بحلم 
منو فاحت ريحة العطر 
داك الطير 
قاري فوراق الشجر 
بغ يجرب الوردة 
غرد 
دار فيها عنتر 
لِسَّاعْ فشوكها مسكين عتر 
شحال كيتقلب هاد الزهر 
...
النهار الرابع 
طجيت منِّي ننس 
النعاس مزال تراس 
عشقو فالسهير يبات حواس 
بقيت مكابر 
كانت الكية بادية فاللساس 
سديت على الكلام باب القصيدة 
غمضت على الشوف عيني 
واحد الدمعة سالت 
كانت فلتات
قبل الحكاية ما بدات 
عرات الخد 
كان حمر من الجمر 
سخنوداك الإحساس 
كان فركنة محكن فهاد الراس 
...
النهار الخامس 
بان لجفا فشقوق الارض 
بان ليبوس فعروق الشجر 
بانت الخيبة فالوجه 
غضب لبحر 
من فيضة الواد 
خرج فَّارُو 
شدتها السما بيد خايفة 
مرة تطلق 
مرة تجر 
عنكاتو وبكات
كاع لرواح بدموعها نسقات 
تفجات 
وبقات مسكينة 
فكفوف الشدة 
تراود فدوك الرعدات 
...
النهار الاول 
كان حنة وتمر 
كان الفرح معيد 
كان الجرح محيد 
غناية دوات 
كاع اللي كان فالروح 
سرح مع البوح نغمات 
تكلم الرش 
على المزوكي يفتش 
هز العلام 
وبرح داك الغرام 
حديث النهار مكشوف ما يتلام 

عبدالعالي الوالي
الرجوع الى أعلى الصفحة اذهب الى الأسفل
 
حديث النهار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: منتدى الزجل-
انتقل الى: