منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

شاطر | 
 

 الهبيلة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد العزيز سرحاني

avatar

عدد المساهمات : 116
تاريخ التسجيل : 10/05/2013

مُساهمةموضوع: الهبيلة   2014-09-20, 08:07

الهبيلة
 
 
أنا بْغيتْ مرأة هْبيلة
هبيلة
حتى تْهَبَّلْني ف القبيلة
بغيت ضحكتها عالية
 و طويلة
كتغطي نهار وليلة


كتْبَرْوَلْ  كَتْهَرْوَلْ
كَتْفَزْ  وتقفز
كتمضغ لكلام
 وتصرطهُ عظام
وتكَرع ريحتُه
وتشتتْ  قيمتُه
وما تستر من السر
غير اللي نساتُه
 
وإلى ناضت تشطح
كتندم الطبال والغياط
و الحطار ف السفلي
و المتفرج  من العلالي


كتقرا الغمزة  عوجة
وترد  الضحكة  هرجة
كتدير من الحبة جبل
وشحال ما كبر الجمل
كتدخلُه  جواه
بلا سلسلة بلا حبل


 
عندها الصخرة رطبة
والهبطة عقبة
كَتَعْكَلْ    كَتَزْكَلْ
كَتَرْكَلْ
وما كَتْكَلْ


 
أنا بغيت مرأة هبيلة
هبيلة
حتى يْرَدْها هبالها
ف عيني جميلة
وف حياتي خليلة
هبيلة
حتى تولي
دمعتي ف حقها قليلة
وفرحتي بلا بها عليلة
هبيلة
حتى ننسى معاها
كل حيلة
حتى تتمنى روحي
من روحها طليلة.
 

أبريل 2014
الرجوع الى أعلى الصفحة اذهب الى الأسفل
 
الهبيلة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: الومضة الزجلية-
انتقل الى: