فاطمة العقاد
عدد المساهمات : 5
تاريخ التسجيل : 03/06/2014
 | | موضوع: لوصية 2014-09-16, 04:15 | |
| أنا الوردة البيضا ضو الصباح ماينسيني فيا ولاهجم الليل يبان بياضي كثر ولاقلبي عصفت به لرياح أوعطاتني الشمس بظهر أوغرسني زمان بين قبر وقبر أوحتى فجنب لبحر أوفوق شجرابلاجدر أوفأرض كلهاصخر كلها صخر نعلق همي فشوكي بندايانسقي عروقي وتبقى عنايتي فبياضي فبياضي كثر قالولي بياضك مابقاش موضا حيدي شوك ولبسي لخضر قلتليهم الربيع
لا كبر فروضا كلشي يطمع ولبهيمة كثر ولقمح الا صفار نصو يتكال ولباقي يقدر يخسر ونامابغيت خضر ولا عاجبني صفر انا عاشقا بياضي وبياضي عاشقني كثر ولا جات النسمة تسرق مني لعطر نخرج شوكي فجلالها تعتر ولاجات الريح من الشرق اوحتى من الغرب يبان لها بياضي ترجع حانية محنية ترجع حانية محنية ولا جات الساعة وتقاضىلعمر كفنوني فبياضي ودفنوني فجبال عالية محضية عالية محضية ولا هبت ريح الشوق يوصلكم مني لعطر زريعتي بين يديكم وصية زريعتي ما تباع ولا تخسر زريعتي للعالم هدية ليغرسها فسماه شانو يكبر شانو يكبر
|
|