منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

شاطر | 
 

 أش دخلك ف حلمتي؟

اذهب الى الأسفل 
كاتب الموضوعرسالة
عزيز صدقي

avatar

عدد المساهمات : 131
تاريخ التسجيل : 15/03/2011
الموقع : sidquizajal.blogspot.com

مُساهمةموضوع: أش دخلك ف حلمتي؟   2014-07-05, 23:49

أش دخلك  حلمتي


جيت نقلب على ذاتي فيا
لقيتها فيك


دموعي سكنت عينيك
سولتها
واش باقي تعرف تبكي


عروقي لبست قلبك
سولتها 
واش باقي تعرف تشكي


حروفي تزممت ف كتابك
سولتها
واش باقي تعرف تحكي


وها أنا تلفت راس الخيط
و الكبة من يدي
تكركبات
تشكلت الخيوط
 مع شلا خيوط
وتخبلات
+++++++
كنت هايم نحلم
يمكن ناعس فايق
يمكن فايق ناعس
حتى دخلتي ف الحلمة
ما دقيتي باب منامي
ما شاورتي
ما طلبتي تسلبم
غير درمتي




شفتك ف حلمتي
خير وسلام
 تجري تلهث و عرقان
حامل قلبك بين يديك
قلب يفركل
مرعود يتركل
لونو مخطوف
تكول يمكن مني خايف
تكول للضو ما بقا شايف
تكول مودر ظلو تالف
تكول عارف
تكول ما عارف


عاود شفتك ف حلمتي
خير وسلام
طوير مجروح
يفرفر و يفرفر
و ماعندو  جناح
سرى ب الليل
و عرج ل ضيافة الكمرة
بلا زاد و لا سلاح
بين اغصان دالية النجوم
كال هنا يمكن برتاح
+++++++
لكن تمنيتك ف حلمتي
خير وسلام
خيط ف مرمة
تغزل النور اللي ف جنبي 
ب الصنعة  تطرزني
تنسجني ملحاف
 من عرايا تسترني


و تمنيتك ف حلمتي
خير وسلام
حرف مداوي
يزين مقام الكلمة
أو وتر مساوي
ترنيمات و نغمة
تمنيتك مني طرف
نقسمو شهوة الحلمة


و تمنيتك ف حلمتي 
خير وسلام
 عنكبوت
و رخي خيوطك عليا
خويطاتك ضو
نور الظلام اللي فيا
الرجوع الى أعلى الصفحة اذهب الى الأسفل
 
أش دخلك ف حلمتي؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: منتدى الزجل-
انتقل الى: