منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

شاطر | 
 

 دك ...دك

اذهب الى الأسفل 
كاتب الموضوعرسالة
عبدالعالي الوالي

avatar

عدد المساهمات : 54
تاريخ التسجيل : 20/09/2013
العمر : 44

مُساهمةموضوع: دك ...دك   2014-04-22, 22:26

[rtl]دكْ .. دكْ

دك ... دك يا مهرازي 
دك فراسي فيقني 
دك.. دك خليني نتحير 
فكرني بهواسي 
فكرني براسي معانق الحق 
نتفكر كلامي ماشي 
رافع راسو 
ينتف الجور من ساسو 
ديك الكلمة حارة فعقلي 
مرَّة فلسانهم 
دك .. دك خليني نعاود لحساب 
نعرف مع من راني 
نختارو ول نختارني 
اللي ما يكول الحق 
فراسي براني 
كتبتو حرف فالدخول 
نشطبو وسخ من المعاني 
دك .. دك أحياني 
مع الزمان ضاع زماني 
مع الحرف رجَّعت كياني 
لقتني فيه 
وفصفو لقاني 
كتبتو حرف 
فالقصايد ضواني 
ومشينا حتي لقينا 
السر ساكن فالمعاني 
الكلمة لبيبة 
العقل بها يكاني 
الكلمة حبيبة 
ف الخاطر تلقاني 
وردة مفتحة 
تعطر جناني 
جناني شحال وهو يابس 
ملي قطهت الحس 
كلت نتهن 
ولساني ما هناني 
شدني من عقلي 
جرني 
خرجني 
من طوعي 
حوس بخاطري فالحروف 
وكالني كيف بغاني 
ولقيتو قاصح 
على الغر ما وطاني 
اللسان صعيب 
هاد المرة ساعفتو 
وفهم عقلي 
حطو على الحرف 
اللي به نكاني 
دك .. دك يا مهرازي 
را العمر تقسم فالنص 
والثاني ما نضمنشي 
يكمل ول معاه
الباقي من حروفي يمشي 
الواجد هو هذا 
واللي جاي 
خليتو لخواطركم به تفشي 
تنسج منو قصايد 
يكمل الباقي من عشي 
إو خلوني نمشي 
راني ما سخيت 
وهاد الحرف عشقو فالدم 
يجري ف العروق يرشي 
سلفتو العمر 
وما بغ يمشي 
دك.. دك يا مهرازي 
خلي العقل يكلم الغاشي 
عبدالعالي الوالي في مراكش 2013/02/21
[/rtl]
الرجوع الى أعلى الصفحة اذهب الى الأسفل
 
دك ...دك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: منتدى الزجل-
انتقل الى: