حكم و أمثال إلهام بُصفا مغربية جديدة

تذكير بمساهمة فاتح الموضوع :

.
.

واش القهوة بيضا(ء)...؟
.....
واش القهوة بيضا(ء)...! ياك كا نشربوها و نعشقوا فيها جمال اللون...؟
ياك الشعرة ماحدها كحلة نتباهاوْا بيها و غير تبياض نسدُّوا لها لَعيون...!
ياك الكَمرا من قريب كلها ظلام...! بيها نلقاوْا الطريق...و تنوّر الكون
كون ماكانش اللون الأسود...آش مزيّن الخد غير الخالة على حرف النون...؟
ياك التقوى هي اللّي تفرّق بين الناس و بلا بيها آش تكون... واش نكون...؟
ياك النهار بشمسو يغذي و يمتّع و الليل بظلامو يراري و ينعّس حتّى المجنون...؟
...
ilham boussafa
04/11/2012

عدد المساهمات : 58 تاريخ التسجيل : 19/01/2011

حكم و أمثال إلهام بُصفا مغربية جديدة - صفحة 2 1005039_10201805054681921_2067743097_n

.
.
خاص السنطيحة... إيلا كانت للدفاع على الكرامة و النفس
و لهلا منها... إيلا كانت غير للنطيح و لجلوس عل الضس
اشحال منهم عل الضعيف يخرجوها و عل لَقوي يقطعو الحس
...
ilham boussafa

10/12/2013

عدد المساهمات : 58 تاريخ التسجيل : 19/01/2011

.
.
ملّي حلّينا عينِينا و احنا ها لَقلم...ها ستيلُو و ها لَمداد
كلها و لُونو...ها اللّي هاز مطرقة و ها اللّي هاز لَعواد
شي يحب يبدع و يصنع و شي مبلِي بالشيكي و لَعناد
شي متخلّق و مأدّب و شي يطعن امراتُو و يشتم الأولاد
شي يناضل و شي ف يد تسبيح و أخرى ملونة بالفساد
شي مات خلاّ باش يتّرْحم و شي ف حياتو مشى مع الواد
...
ilham boussafa

05/12/2012

عدد المساهمات : 58 تاريخ التسجيل : 19/01/2011

حكم و أمثال إلهام بُصفا مغربية جديدة - صفحة 2 1475998_10201804792875376_1317175901_n

.
.
الريح يقدر يقلّع شجرة من جذرها و على التراب يرميها
و ما يقدر يحل عقدة صغيرة و لا يفك و يفهم معانيها
بالهدوء العقدة تتحل و تبقى الشجرة واقفة على رجليها
و الغضب يريّب و يشتّت و عقدة بسيطة ما يقدر عليها
...
ilham boussafa
08/12/2012

عدد المساهمات : 58 تاريخ التسجيل : 19/01/2011

حكم و أمثال إلهام بُصفا مغربية جديدة - صفحة 2 1459968_10201802315933454_166361506_n

.
.

واش القلب...كتاب مفتوح...؟
-------------------------------

قال...الشاعر الطيب هلو
*
قلبي كتاب مفتوح ليس صعبا عليك أن تقرئيه
و إن داهمك النوم...لا تنسي أن تغلقيه
*
قلت...
*
القلب كتاب... يفتح الصفحة اللّي ابْغَ و فيها يخبّي سطور
يطوي صفحات بيارها غارقين و امواجها هايجة عل لَبحور
ما يعرفك بكان و أخواتها...و لا بحرف الجر و المجرور
...
ilham boussafa

2013

عدد المساهمات : 58 تاريخ التسجيل : 19/01/2011

حكم و أمثال إلهام بُصفا مغربية جديدة - صفحة 2 1460260_10201793713718404_402680173_n

.
.
النهار قال للظلام...تكعّد من بلاصتي نوض خلّيني نطلع
جاوبُو الليل...الناس كحلُوا بْلعمى و على عينيهم راني مربّع
إيلا بنتي ليهم يا النهار غَ يديرُوا عين ما شافت و قلب ما وجع
سير شطّب ضبابك و سوس اعجاجك باش ما تبقاش فيهم تخلع
و خلّيني على عينيهم ضبابة... حيت ضو الحقيقة حزن و وجع
...
ilham boussafa
09/12/2013

عدد المساهمات : 129 تاريخ التسجيل : 12/02/2013

شكرا لك أختي الفاضلة على هذه الباقة الجميلة من الأمثال والحكم .
وإنه لكنز لا يقدر بثمن غير أنه تعذر علي قراءة جميع الأمثال في نفس الوقت .
لكنني سأ تذكرها كل ما إلتحقت بالمنتدى سأزور صفحتك للإستمتاع بطراوتها وتذوق كل مثل على حدة .

أما شريط الفيديو كان مميزا جدا قد اطربتنا ليس فقط بالإستماع للأمثال، بل ذاك الصوت الطروب والذي قد أظفى لها سحر خيالي .
ليس لدي ما أقول سوى
تبارك الله عليك وربي يحفظك أيتها الزجالة الموهوبة .

تحياتي لك أختي : إلهام بصفا .
بالتوفيق في مسيرتك الإبداعية

عدد المساهمات : 560 تاريخ التسجيل : 25/07/2010

[rtl]كل هذ العمق الواهب اللذه ...
كل هذ السفر الزارع ف طريقه المتعه..
كل هذ الجمال المنبثق من الدهشه..
كل هذ الإحساس الخارج م الحكمه ..
كل هذ لكلام المنسوج بالسحر لمحلله مداد الوجدان.[/rtl]

[rtl]كل هذا وذاك ما يجوا إلا من زجاله مجذوبة كتغيب بحال فصل الربيع وترجع لينا على مدار لحلام ...[/rtl]

[rtl]هي .. هي إلهام .[/rtl]

[rtl]شحال انت كريمه يا إلهام بإبداعك الراقي وبإنسانيتك الساميه...[/rtl]

[rtl]إدريس أمغار مسناوي
[/rtl]
[rtl]تيفلت
[/rtl]

عدد المساهمات : 54 تاريخ التسجيل : 20/09/2013

بكل صراحة أدهشني هذا الكم الهائل من الامثال والحكم أستادة إلهام واستمتعت بقراءة الكثير منها لانها بكل بساطة وازنة وتحمل صورا شتى وتعالج الواقع وقضاياه المختلفة دام لك الألق يا إلهام وشكرا لك

عدد المساهمات : 58 تاريخ التسجيل : 19/01/2011

خديجة صادق مدافع كتب:: شكرا لك أختي الفاضلة على هذه الباقة الجميلة من الأمثال والحكم .
وإنه لكنز لا يقدر بثمن غير أنه تعذر علي قراءة جميع الأمثال في نفس الوقت .
لكنني سأ تذكرها كل ما إلتحقت بالمنتدى سأزور صفحتك للإستمتاع بطراوتها وتذوق كل مثل على حدة .

أما شريط الفيديو كان مميزا جدا قد اطربتنا ليس فقط بالإستماع للأمثال، بل ذاك الصوت الطروب والذي قد أظفى لها سحر خيالي .
ليس لدي ما أقول سوى
تبارك الله عليك وربي يحفظك أيتها الزجالة الموهوبة .

تحياتي لك أختي : إلهام بصفا .
بالتوفيق في مسيرتك الإبداعية

أختي خديجة
ــــــــــــ
ما تديريهاش مني من قلة الصواب إيلا غبرت

حيت أنا ديما غابرة ف أنا واخّا نعست واللاّ فقت

ماكانبانش ليَ ملّي نبغيني واخّا سكت واللاّ هضرت
...
.
لك منّي مائة وردة و وردة يا وردة

الله يحفظك

تحياتي لك

ادريس أمغار مسناوي كتب:: [rtl]كل هذ العمق الواهب اللذه ...
كل هذ السفر الزارع ف طريقه المتعه..
كل هذ الجمال المنبثق من الدهشه..
كل هذ الإحساس الخارج م الحكمه ..
كل هذ لكلام المنسوج بالسحر لمحلله مداد الوجدان.[/rtl]

[rtl]كل هذا وذاك ما يجوا إلا من زجاله مجذوبة كتغيب بحال فصل الربيع وترجع لينا على مدار لحلام ...[/rtl]

[rtl]هي .. هي إلهام .[/rtl]

[rtl]شحال انت كريمه يا إلهام بإبداعك الراقي وبإنسانيتك الساميه...[/rtl]

[rtl]إدريس أمغار مسناوي
[/rtl]

[rtl]تيفلت
[/rtl]

أخي إدريس

ــــــــــ

تمنيت نكون غير أنا... نشبهني و نتفاهم معايا

نقرّد للأرض مع الأنا و مانبقاش نهرب من احدايا

و مانعاودش نغبر عليَ...باش نلقاني ف وجه لمرايا

...

.

حروفي نورت بضوك اللّي ما بحالو ضو أخي إدريس

الله يحفظك و يحقق لك ما تمنيتي

شكرا لك يا مول الدار لكبيرة
سامحني إيلا ما لقيتش لكلام اللي يليق بمقامك

عبدالعالي الوالي كتب:: بكل صراحة أدهشني هذا الكم الهائل من الامثال والحكم أستادة إلهام واستمتعت بقراءة الكثير منها لانها بكل بساطة وازنة وتحمل صورا شتى وتعالج الواقع وقضاياه المختلفة دام لك الألق يا إلهام وشكرا لك

أخي عبد العالي
ــــــــــ
تشجيعاتكم أخي هي اللّي كاترويني

تفيق حروفي الغابرة فيَ و تسقيني
...
شكرا لكلامك الجميل أخي
الله يحفظك
تحيتي لك

حكم و أمثال إلهام بُصفا مغربية جديدة - صفحة 2 1476009_10201814056146952_9687264_n

اللّي مس الحُرّيكَة و حاداها... الحكّة تعطيه

و اللّي شرب ماها... اشحال من مرض تداويه

حيت لَوجه صورة و القلب الله اللّي عالم عليه
...
ilham boussafa
12/12/2013

حكم و أمثال إلهام بُصفا مغربية جديدة - صفحة 2 995574_10201787324278672_1923674303_n

.
.

ماشي لَبحر و امواجو اللّي كايغرّق السفينة و يجلِيها

الما(ء) اللّي يتسلّل بشوية...بشوية يغرّقها حتى لوذنيها

إيلا كانت قوية...لَبحر يهزها فوق راسو و يساريها
...
ilham boussafa
08/12/2013

.
.

حكم و أمثال إلهام بُصفا مغربية جديدة - صفحة 2 1488143_10201740355944493_1416427220_n

إيلا ليبرة مرة تتسد و مرة تتحل...يقدر الخيط يصبر عليها

يغطّي الجيهة لَمشركة... حتى تتحل لِيبرة و يخيّط ثوبو بيها

ويلا ابقات مسدودة واخّا يبرم راسو حتى يرقاق ما يحل عينيها

الشمس إيلا اطفات... تذبل الوردة واخّا تهوّي ترابها و تسقيها
...
ilham boussafa

08/05/2013

حكم و أمثال إلهام بُصفا مغربية جديدة - صفحة 2 1465395_10201719962354666_1268118494_n

اللّي ما لقاش السعادة ف الدنيا اللي دايرة بيه

عمرو ما يلقاها... وخّا يطير لعالم بعيد عليه

حيت السعادة ف بسمة اولادو و ف عيون والديه

ف الزرع اللي غرسو... اسقاه و حصدو بيدّيه

السعادة قدّامنا...غير اللّي ما بغاش يحل عينيه
...
ilham boussafa

حكم و أمثال إلهام بُصفا مغربية جديدة - صفحة 2 199045_1768659070126_4594935_n

.
.
كلها و عينو الثالثة و بالثالثة انشوفوا و انسمعوا اللّي ابْغينا
كاين اللي عايش ف الأحلام...حاسب راسو كبير علينا
كاين اللي يشوف الحقيقة تزحم و لسانو حنش يعض فينا
كاين اللي رجليه ف الأرض و عينو ف السما ترسم لينا
الأحلام أم الحقيقة...فيها اللي تزادت و اللي اتخلاّت علينا
بالأحلام انفرحوا...و نصغاروا باش عيننا الثالثة تبقى لينا
مرة مرة انخلّيوْا الفرخ يطير...باش عقلنا يتهوّا و الواد ما يدّينا
ويلا رعد الحقيقة ضرب بسيفو أحلامنا...نكونوا تمتّعنا ولو بعينينا
...
ilham boussafa
5/04/2011

» أمثال وحكم
» أمثال شعبية متداولة قالو لولا يا سيادي
» هنالك حركة حداثية شعرية مغربية اتخذت اللغة الدارجة لغة تكتب فيها الشعر بكل معانيه الحداثية الشاعر السوري شاهر الخضرة