الثقافة في بلادنا

موضوع: الثقافة في بلادنا 2014-01-09, 01:57

الثقافة في بلادنا أمْرَا عْجيب
دْحيّر الْوليد وصاحب الشيب
حال ظاهر ما فيه تكذيب
***
إلا كان حفل الشطيح والرديح
ولا د شي ولي بقبة وضريح
أرا ما عندك من الترفيح
***
الميزانية د خلق م نهارا
ويبان الخير في الشكارا
وبين هاك وأرا يخدمو الشفارا
***
والا كاتبنا يكتب لمعة
أو شاعرنا يْقْطَر شمعة
أو رسام لهمومنا على الرقعة
***
يتقدم بطلب الدعم
يماحنوه ويصفرو ليه الدم
ويزيدوه غم على هم
***
وملي كاتبنا يبيع متاعو
ويفرض وجودو بين تباعو
ويجيب العز بدراعو
***
يدورو بيه فحال نْموره
ويْخطفو جُهْدو فحال النْسوره
ويبانو معاه ف الصُّوره

» صالون الثقافة و الابداع التراثي بالمحمدية