منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

  اجييو الزجالة نلعبو مالة بالحروف......الحرف الوافي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
السعدية الفاتحي

avatar

عدد المساهمات : 84
تاريخ التسجيل : 07/07/2013

مُساهمةموضوع: اجييو الزجالة نلعبو مالة بالحروف......الحرف الوافي   2013-08-05, 00:48

الحرف


هانا جيت ووجيت بكل خير .... قاصداكم .....والقاصد عند ربو خير كبير 
ايوا سمعو ليا ...وديوها فيا ..راني جايبة مزية........
تحكي وتراري ...بالحرف اللي في الشواري 
علف ودي ...وما تخلي اللي يودي ........اعطيني الحب....وشد التبن اللي في الحفاري







اجيو نديو نجيبو في الكلام.......ونرصو الاحلام ......وكلها يلغي بلغاه ...
لغاتو تديه يزور الزاوية اللي كرماتو .....وترويه من نبع الشوق اللي الدنيا حكماتو ..








نلفو كلمة في ملفوف الحصير 
نعمرو بالكلام الوردي يبهر الطير
ها شهد العسل
ها الطاير الحر عل الحبل
وها قبيلة الحروف جايا وجايبة شلا خبر
على القلب اللي سهمو حجر
والدرب اللي زارو الصقر
يا انا يا حروف الهم تحضر 








اجيو نهردو الناب...مع الاحباب والصحاب...على الغراب اللي شاب .......




نتبعو الحرف في هبالو
ونقراو الكف بالخف
للقصيدة اللي ساحرالو


اجييو نحضرو العقيقة ...للقصيدة الشقيقة ... الرفيقة الصديقة ..


جابت حرف حاكم 
عل الهم اللي حداكم 
ودارتو في كماط حرير
وجالت الويدان والغدير




تدور على خوتو...ها الطويل ها القصير
ها المكدر المشطر...............ها قليل النية 
قالب طنجية ....ويغني ما تعولو عليا 






اجييو نديرو الزحام....................مع سرب الحمام .....


ونهزو كفوفنا ...ونسقفو منجج الحرف ...
اللي قلبو جف 
من السعى في بيبان الرجا والعف 




اجييو نفرشو حصيرة القصيد ...ونشدو اللغى ...ونجمعو الوكيد ...باش نلمو الشمل على الدفا ويكون عيد 






نبرمو الحكمة من الكلمة 
نديرو مادارو لي سبقونا للمة 
قالو شلا كلام عل النخوة
هدرة وكلام وبير غارق في الا حلام
نحفرو بالهضرة والمعاني 
ونسقيه من الما اللي في عياني
ونروي بيه التايه الهايم في صحراء الحرف الخالي 








شاركونا يا الزجالة 
ونلعبو مالة 
نقصدووو ونتيهوا
في جنان الحرف




ليكم دعوة من القلب 
لكل من زار الصفحة 
ودار طليلة بالخف



تلميذتكم السعدية الفاتحي ...............ام زين
الرجوع الى أعلى الصفحة اذهب الى الأسفل
 
اجييو الزجالة نلعبو مالة بالحروف......الحرف الوافي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: الحوار الزجلي-
انتقل الى: