عبد العزيز سرحاني
عدد المساهمات : 116 تاريخ التسجيل : 10/05/2013
| موضوع: مات البحر 2013-08-20, 11:29 | |
| مات البحر
مات البحر أيام العيد جمع امواجو و خباهم بعيد بَكرُو الصيادة وجدُو الحوت عل الشط حزين ملحاتو دموعو وشرملاتو الحيرة قدام نياب التمزريك اللي ك يسيلو ب نية حجة مبروكة أجرها تكفينة ف الطحين ونهايتها تقبيرة ف لمقلة العامرة ب حاجيتك وجيتك نهار كليتك وأنا شبعان حلف الحوت ب الرغوة المزينة راس الموج وبضي المرجان الطافي تحت الما د التوجيهة واللامع ف ظلام الماضي الباقي ف طريقو جاي لنسى كيف كان "راشق" لو و عاشق لكل رياض ك تعوم فيه حروف الاحلام، لسخى بطرف من ثقتو ونساها وديعة ف يد من ولا حتى تتسالا الطعمة و الدود من الوجود وتتخبل الكبة د السبيب اللي قادرا ب خيوطها تكمط الأرض والكمرة بالطول العريض والعرض الطويل وتسالي ضفيرتها برشمان يغرزو بيه سبة مزوقة بالعقيق الرقيق تزين صنارة سيدنا قدر و تصيد حريفات مشوكين ومعركين بحال مريودات الشر الكحل باش بيضات الموت عيونها حتى حمارو وخلات شوفتها مخرفا ف الربيع ومشتويا ف الصيف و دابلة ف ليلة الرشوق. رحم الله سيدي محمد الراشق. سرحاني غشت 13 | |
|
السعدية الفاتحي
عدد المساهمات : 84 تاريخ التسجيل : 07/07/2013
| موضوع: رد: مات البحر 2013-08-20, 23:14 | |
| ومضة سابحة ف مواج بحرف جارف لكلام لحرف لي سهمو سيف مقدام
جميل ما قرات لك زجالنا الصاعد السرحاني ومضة تستحق التشجيع من اختك السعدية الفاتحي
| |
|
عبد العزيز سرحاني
عدد المساهمات : 116 تاريخ التسجيل : 10/05/2013
| موضوع: رد على رد: الموضوع: مات البحر 2013-08-23, 08:26 | |
| شكرا أختي السعدية على مرورك الطيب المشجع. | |
|
عبد العزيز سرحاني
عدد المساهمات : 116 تاريخ التسجيل : 10/05/2013
| موضوع: رد : الموضوع: مات البحر 2013-09-18, 07:52 | |
| عرفت مدينة الخميسات اليوم الثلاثاء 17 شتنبر 2013 حفل تابيني على إثر وفاة الزجال الكبير والشاعر الباحث الاستاذ المرحوم سيدي محمد الراشق حضره عدد من أعمدة الزجل بالمغرب وجمعيات المجتمع المدني وأسرة الفقيد وإنا لله وإنا إليه راجعون | |
|