المنافق

المنافق
اللي يعملو بنادم في الكواليس
ما يقدر عليه حتى ابليس
اللي تحسبو حبيب وانيس
يتفضح امرو ويصبح خسيس

لما يلقاك يقوليك الحبيب
وفي قلبو يحسبك عدو وطليب
يسلم عليك ويبالغ في التعناق
وهو يموت بالحقد والنفاق
بنادم في الكواليس تعدات عمايلو ابليس
يعيش معاك في البيت بحال الحية
وخا انت تحط معاه النية
انت ما تحسدو ما ترد ليه البال
وهو يتمنالك المرض والهبال
وخا انت مغرقو في الخير
يحفرليك حفرة كيف البير
ماشي اللي ضحك ليك هو الصديق
بالضحكة الصفرة يلزمك تفيق
المنافق عندو سبع وجوه
يلا خدم غير واحد يخليك توه
يجاملك ويوقف معاك في الشدة
وورا ظهرك يطعنك في الكبدة
انت تعاني وهو يتفرج عليك
ما يحشم ما يندم ما يعتذر ليك
النفاق مرض يكبر في النفوس
ما ينفع معاه لا دوى لا فلوس
النفاق مرض عندو الدوى
اللي يقضي عليه وعلى العدوى
دواك هو سلاحك يا انسان
اللي تحارب بيه الشيطان
بذكر الله وقوة الايمان


مسيعيد فاطمة