نجاة احسايني
عدد المساهمات : 102 تاريخ التسجيل : 08/11/2012
| موضوع: البير الموجوع 2012-11-10, 11:08 | |
| البير الموجوع
الهم بكاني على الدم
رشاني وخلاني عظم
ما بقى السؤال عل الحال
فين وفين على مانسمعو قال
حْبال الود مشات مع الواد
وبقيت في حالي نفكر فْ لَجواد
ايه يا ليام دايرة ناعورة
رافعة خافضة وعلى من الدورة
غدر الزمان وليام تحاماو
علي وعليك ما خلاونا نتلاقاو
فين لمجمع لحلو ومعاودة الاسرار
ياويلك من بنادم المغيار
يضحك ليك وقلبو كلو خديعة
يبيع ويشري فيك
وما انت غير وزيعة
نضحك ونتفكر ليام
ونقول آندايمي على شرالانام
يقدمو ليك الورد وانيابهم منداف
تحسبها تضحك
تَحَّسْكَكْ وما تعود تشاف
تقول عليها غير ديب ولاف
ينهش لعظام بقلب جاف
لله من عاش وسلك هاذ الدرب
سمعها مني نصيحة
وعنداك تغضب
دير الخير وانساه
وخلي البير بغطاه
الى قالك البير انا موجوع سر وخليه قبل ماتولي متبوع
| |
|
زائر زائر
| موضوع: رد: البير الموجوع 2012-11-17, 02:24 | |
| مرحبا بك اختي نجاة بينا نتقاسموا طرف د الحرف بصدق والمحبة الانسانية
|
|
نجاة احسايني
عدد المساهمات : 102 تاريخ التسجيل : 08/11/2012
| موضوع: رد: البير الموجوع 2012-11-19, 02:57 | |
| - احمد السبتي كتب:
- مرحبا بك اختي نجاة بينا نتقاسموا طرف د الحرف بصدق والمحبة الانسانية
شرف كبير ان انضم الى هذا الصرح العظيم حيت تجد الكلمة الصادقة مكانا فسيحا وتروج بين احبة وكرام يجمعهم البوح الهادف.فشكرا سيدي على الالتفاتة والترحيب | |
|
محمد بوبكر
عدد المساهمات : 130 تاريخ التسجيل : 17/09/2010 العمر : 45
| موضوع: رد: البير الموجوع 2012-11-19, 05:51 | |
| زجلية جميلة أختي نجاة احسايني أتابع رقيك بكل تفائل تبارك الله عليك | |
|