واش فهمتيوني ولاَّ لاَ

واش فهمتيوني ولاَّ لاَ

يَا شَعْبْ ٱصْغِي لَكْلاَمِي
لاَ تَاخُذْ كَلْمَةْ نَعَمْ عَادَة
وْقَفْ صَامَدْ
وَلَوْ مَرَّة ضِدْ الزِّيَّادَة

تْضَرَّعْ لَلَّهُ تْخَشَّعْ
اتْخَطَّى بْحُورَ الْخَوْفْ
قُلْ لاَ للِزِّيَّادَة
الزّيادَة فَ الْمَحْرُوقَاتْ
زِيّادَة فَ الْمَصْرُوفْ

وَاشْ فْهَمْتِيوْنِي وَلاَّ لاَ؟!

يَا شَعْبْ ٱصْغِي لَكْلاَمِي
لاَ تْغَرَّكْ وُعُودَ الْغَيْرْ
الزّيَادَة فَ الْكُلْفَة
نُقْصَان فَ الْقُفَّة
وَحْيَاتَكْ صَارَتْ تَهْدِيدْ
بَقْيَاسْ خُطْوَة عْلَى حَافَة

يَا شَعْبْ ٱصْغِي لَكْلاَمِي
كُنْ حَاذِرُ رَدَّ الْبَالْ
اشْعَاعَ الشَّمْسْ
مَا يْدَرْقُو غُرْبَالْ
وَعْلاَشَ الْحَقِيقَة تَخْفَى

واش فهمتيوني ولاَّ لاَ

صُنْدُوقَ الْمَقَاصّة
غِيرْ أُقْصُوصَة
بَطَلْهَا وَاحَدْ
وْلَلْفِرْقَة فُرْصَة

بْلَكْذُوبْ تَحْطَبْ المالْ
الزَّمَنْ يَشْهَدْ
والْحَيَاةْ قِصَّة

واش فهمتيوني ولاَّ لاَ

يَا شَعْبْ لَفْهَامَة لُعْبَة
عَنْدَ النَّاسَ الْغَلَبَة
وَيْلاَ نْسَاوْا ذَكَّرْهُومْ
فْ الاِخْتِلاَسَاتْ
وْالاَمْوَالْ لَمْهَرْبَة

الضَّرِيبَة عَلْ الثَّرْوَة
الفوسفاط، مْقَالَعَ الرّْمَلْ
وَاعَالِي الْبِحَارْ...

احْتَفَظَ بْهاذْ لَكْلاَمْ
دِيرْهَا تَجْرِبَة
الْفَاهَمْ يَفْهَمْ
وَللِّي مَا فْهَمْ
يْؤدِّي الضَّريبَة

بنسالم الوكيلي