كرة القدم

كرة القدم
زينها مرسوم باهي يسبي

وعاشقها في قلبو مكوي

وشكلها مسرار يغوي

ونورها لامع يضوي

بكمة ما تسمع ما تدوي

ولا تكلمت كلامها يزوي

شكلها زوين يغوي العاشقين

ما معكرة فم ما مكحلة عينين

ما طالقة سوالف ما محنية ايدين

ما محسنة حواجب ما معرية درعين

دايرة عامرة برد مشابكة بين الرجلين

لعقو ل شاردة تابعها بالعينين

كل من عشقها قلبو يضرب في تسعين

كل شي يهتف يفكر يوصي حزين

بزولة حليبها حلو لاصق في السنين

هي لمكورة واش مذهب او لادين

كرة القدم العالم كلو بها مفتون

صارعة عشاقها بلا مس بلا جنون

كلشي يهدرز بها بنادم بها مسكون

في الملعب كلشي يهتف يصيح مجنون

شي صابغ وجهو شي ينطح بلا قرون

شي يشطح بالبنديرشي طلق في السما بالون

شي قلبو يضرب وعقلوسارح مشطون

شي مهزوز حاظي الكرة فين ما كانت يكون

شي تعرى حيد سروالو بقى غير في الكرسون

شي مخاطر عليها عطى لصاحبو العربون

شي على وجه الكرة لخ[/font]رى منسي مسجون[/color]


[[/size]/center][/center]