لْ داكْ اليومْ (إلى كل من رحلوا في صمت)

بـْغيتْ انـْهارْ اتـْجي
ساعَةْ افـْكاكْ اعـْذابي
نـْكونْ فـَرْحانْ
ونـْـقولْ ابْلا خوفْ
هاكـُمْ اقـْراوْ اكـْتابي
لْ هادْ اليومْ راني عـْمَلـْتْ
وصْبَرْتْ اوصابَرْتْ
وطـْلـَعـْتْ اعـْقابي
***
ابْغيتْ انـْهارْ اتـْجي
ساعَةْ مَجْمَعْ احْبابي
انـْكونْ مَرْضي
وبَالـْمَعْروفْ مَعْروفْ
تـَتـْقالْ فـَغـْيابي
لْ هادْ الـْيومْ راني اسْمَحـْتْ
او صَلـْتْ او واصَلـْـتْ
وفـْتـَحـْـتْ للنـّاسْ بابي
***
بْغيتْ انـْهارْ اتـْجي
ساعَةْ اهْياجْ اتـْرابي
نـْكونْ مَرْتاحْ
ما مَتـْبوعْ بْ رَدّانْ اصْروفْ
تـَتـْخاذْ مَنْ احْسابي
لْ هادْ اليومْ راني صَمْتْ
وهْجَرْتْ او هاجَرْتْ
ع الله إيصَحْ اجْوابي


ترنيمة إنسانية نجح عبد اللطيف في عزفها
ترنيمة سفر فيها من السحر ما أخذني بعيدا في هذا الوجود
متساءلا : أين أنا من هذا الوجود ؟

بارك الزجل فيك يا عبد اللطيف .