عـْـــّدا...
المَسكين عدّا...
اشْحَالْ وُدّا
صَالْ بـِينْ اقـْرَانُو
لـْمّا قـَالـْهَا كـْـلـْمَة ...
...قـْـنـْديلْ
طـْـلـْعاتْ نَجْمَة
فـْجـبهـتْ الليلْ
جْمْرَة
حمْرَة
...قـمْرَة
تنور طريق لـْـعمَــا
وْ فـْوسْـطْ لاحلامْ
وْ فْـوُسْـطْ الزّحْمَـة
رَعـْدْ دُوّا...
حْـتّـى الجُوّ تـْـلُوّا
وتـْـلبّـْـد غـْيَامْ
وْ تـْحتْ شي سْـقُوفْ
وقـَـعْ الزّحَــامْ
شِـي يـقـُولْ حلالْ
شـِي يـقـُول حْرامْ
عْــدا...
جاهْ صوتْ يْـقـُولْ
اعْلاَشْ تـْـقـُول؟
وْبْالـْكـَلـْمَة تـْصُولْ
حْـنىَ الـرّاسْ
عـْرفـُو صُوتْ الـْغـُولْ
قـُـلْ...قـُـلْ
قولْ...
بْالـْمسُوطـَة
بْالـّزرْواطـَة
وبْـلـمْـقـــــدّا
قـُـــلْ... قـُـــلْ...
قوُلْ...
عْــــدّا...
المَسـْـكينْ وْ وُدّا...
الـْطَمْ وطَـمّ...
تـسْكنْ
واسكـنْ
دُوار الخوفْ
شْــّدهَـا و اقـْفـْـل ...
عـْلى المِـيمْ زكرمْ
مْخـَارجْ لـْحْرُوفْ
والـرّتِـيلَ
نـْسْجَاتْ عْـلىَ الجُوفْ
ولقفـل اللي تطرّق
بالخـــز تصدّا
...
عْـــّدا...
اشحال ُودّا
دَاز الصغُـر
وبين... وبين...
حَكْراتُو السنينْ
عَاش الـشـّبَابْ
حـْزينْ
عَــاشْ لـْفـْحُولـَة
كـِـيفْ ثورْ سمينْ
حَـاني الرّاسْ يَعْلفْ
مَـا يهز العينْ
عْــدا...
تْـشداتْ قدامو لبوابْ
فايام الشبابْ
تـْعُوّدْ لـْحزانْ
فـْايّامْ لـْكـْهُولـَة
و لـْيُـومْ راهْ شـيـخْ
بـْاوْلادْ وُاحْـفـَادْ
تـْـلـقـَاهْ هْــنـَا...
وُلا لـْهـِـيهْ...
قـْـرّادْ
بعـِينـِيهْ يْـتـجْـــّدا
عـْـدا...
وُاشـْحَالْ وُدّا...
وْعْــــّدا...
وْ فـْـكُــلّ حِينْ
يْـنــيــن ْ...
بْـصَوتْ حزينْ
وُيْـقــُولْ
يْمْكـــنْ غــْــّدا؟
يـُزولْ الـصّـْــدَا...
و يْـبْرَا الدّا...
وْعْـدّا....
وعدّا.....
وعدّا....